NRK Meny

Vil ikkje snakke om varslarsaka

Korkje administrerande direktør Jon Bolstad eller fleire av dei tillitsvalde ynskjer å kommentere varslarsaka i Helse Førde som NRK avslørte i går.

Jon Bolstad og Vidar Vie

TOPPLEIING: Til venstre administrerande direktør Jon Bolstad. Til høgre viseadministrerande direktør Vidar Vie.

Foto: NRK

I går ettermiddag vart det kjent at ein medarbeidar i Helse Førde har klaga viseadministrerande direktør Vidar Vie inn for leiinga i helseføretaket.

Varslinga skal mellom anna botna i Vie sin leiarstil.

Fungerande styreleiar Agnes Landstad stadfesta overfor NRK at styret har fått ei varslarsak, og at dei har bedd om ekstern hjelp for å undersøkje forholda som varslinga peikar på.

Vidar Vie sin direkte overordna, administrerande direktør Jon Bolstad, unngjekk å svare på ei rekkje spørsmål som NRK stilte han i går kveld.

– Eg vil ikkje kommentere dette utover det styreleiar alt har sagt, sa Bolstad.

Forsiktige

Også fleire av dei tillitsvalde i Helse Førde ville i går kveld vente med å uttale seg.

– Eg har fått med meg saka. Men har ikkje lyst til å uttale meg om dette enno, seier tillitsvald Elisabeth Andersen i Delta.

Det same seier Gro Christensen i Norsk Radiografforbund og Silje Fraas Øren i Jordmorforeningen.

Koordinator for alle tillitsvalde i Helse Førde, Wenche Røkenes i sjukepleiarforbundet, ynskte ikkje å seie noko, bortsett frå å sende denne meldinga via SMS:

– Har lest saka på nett. Har ingen kommentar utover det.

På ei av verdas brattaste jernbaner blir skinene ekstra slitte av mykje bremsing. Det krev mykje vedlikehald, før sesongen startar for fullt.
Bilder fra landbruks-og matministeren sitt møte med sinte bønder i balestrand.
12 år gamle Linea arrangerer konsert til inntekt for forskning på den uhelbredelige sykdommen, som ein god ven fekk for ei tid sidan. Og 7.-klassingen venter fullt hus.