Nittenårige Gilbert Koomson vart spådd ein lysande karriere i Sogndal då han kom på lån frå thailandske Tero Sasana. No er framtida uviss.
- LES OGSÅ:
– Me har ein opsjon me kan nytte oss av fram til 31. desember, men slik som det ser ut no kjem me ikkje til å bruke nokon opsjon. Inntil vidare får ikkje Gilbert føringar frå oss, seier Flo.
Lite speletid
Koomson har vore lånt ut til Sogndal sidan i august i år. Midtbanespelaren som vert rekna som
, har berre fått 257 minutt fordelt på sju kampar i Sogndals-drakta.– Gilbert har fått lite speletid hos oss i haust. På bakgrunn av det har me gjeve Gilbert moglegheit til å få eit prøveopphald med Molde, då dei har vist interesse for han, seier Flo.
Agenten til Koomson, Kent Haugland, vil ikkje seie om Molde er interesserte i Koomson på dette tidspunktet, men kan stadfeste at han trener saman med Molde.
Vil aller helst bli i Noreg
Haugland fortel at Koomson har fire førespurnader på noverande tidspunkt.
– Han er stjerne i Thailand, og klubben som han har vore i der vil gjerne ha han tilbake, seier Haugland.
Klubbar i Sverige og Belgia har også vist interesse for Koomson, men Haugland fortel at Koomson aller helst vil vere i Noreg.
– Gilbert vil gjerne halde fram i Sogndal. Han stortrivst i Sogndal, fortel Haugland.
– Han er eit stort og unikt talent med mange talent som passar inn i Tippeligaen. Han er berre 19 år. Ingenting er stadfesta enno, men me vonar han får bli i Noreg, avsluttar agenten.