Vil ikkje gje slepp på Fjord1

I staden ynskjer fleirtalet av fylkespolitikarane eit tett samarbeid med Havila AS, som er samde med Møre og Romsdal fylkeskommune om å kjøpe deira aksjar i transportselskapet .

• LES OGSÅ: Havila gir opp Fjord1-krav

– I ein situasjon der vi er komne inn i ein anbodsmarknad, så er det vanskeleg å ha økonomisk ryggrad til å eige selskapet åleine, seier gruppeleiar i SV, Norvall Nøringset.

– God samarbeidspartner

Havila må betale 362 millionar kroner for Møre og Romsdal fylkeskommune sine 41 prosent i Fjord1.

• LES OGSÅ: Krev styreleiar og veto i Fjord1
• LES OGSÅ: Havila gir opp Fjord1-krav

Sogn og Fjordane fylkeskommune kan likevel nytte forkjøpsretten og få full kontroll over selskapet . Det meste tyder på at det ikkje vil skje. Fylkesordførarkandidat for Senterpartiet, Jenny Følling, seier det er viktig å ha ein profesjonell aktør som Havila på laget.

– Havila oppfattar vi som ein seriøs part, som er profesjonelle og som driv godt. Eg trur nok at det å få ein industriell aktør med seg til å vere med å utvikle dette vidare, det vil kanskje vere ein god strategi, seier ho.

Vil ha fleirtalet

Saka skal opp i fylkesutvalet fredag og endeleg avgjerast av fylkestinget den 25. august. Arbeidarpartiet vil ikkje kommentere saka, men mykje tyder på at partiet vil gå inn for samarbeid med Havila. Dermed er fleirtalet sikra.

• LES OGSÅ: Vil betale 350 millionar for Fjord1
• LES OGSÅ: Vil selje aksjane sine i Fjord1

Det er per i dag ikkje fleirtal for å la Havila overta aksjemajoriteten i Fjord1.

Dagleg leiar i Havila AS, Per Sævik, ser fram til eit nært samarbeid med Sogn og Fjordane fylkeskommune.

– Vi reknar med at fylkespolitikarane har same intensjon som vi – å medverke til å utvikle Fjord1 i positiv retning, seier han.