Ekspertane tok førre vekte til orde for at aksen Førde-Florø kan bli byen fylket treng for å få fart på utviklinga.
Men for Fylkesmann Anne Karin Hamre i Sogn er det uaktuelt å tenke flytting til Sunnfjord.
– Eg trur det er veldig uheldig dersom vi no tek til å snakke om å flytte internt dei arbeidsplassane som vi har. Eg meiner vi treng sterke senter både i Sunnfjord, Nordfjord og Sogn, seier fylkesmann Anne Karin Hamre.
- Les også:
Vanskeleg å sjå anna akse enn Førde-Florø
Våg å prioritere og våg å satse på Sunnfjordaksen mellom Førde og Florø, det har den siste veka vore rådet frå både regionforskarar og nokre av landets fremste økonomar som har vitja Sogn og Fjordane
Professor i samfunnsøkonomi, Jørn Rattsø, har mellom anna leia regjeringa sin produktivitetskommisjon og drøymde under næringskonferansen i Førde om ein todelt by i Sunnfjord.
– Byar har store fordelar økonomisk. Bynæringa dreg til seg mykje folk. Det er vanskeleg å sjå for seg ein annan akse enn Florø-Førde, seier Rattsø.
- Les også:
Vil vere ei avsporing
Men visjonen er langt unna dei politiske realitetane.
Fylkesordførar Åshild Kjelsnes har til liks med Hamre hjå Fylkesmannen makt til å starte ei storstila flytting av jobbar frå Sogn til Sunnfjord, men det er heilt uaktuelt, seier Kjelsnes.
– Eg trur det er ei avsporing å begynne å diskutere å flytte arbeidsplassar internt i Sogn og Fjordane, seier Kjelsnes.
Samfunnsdebattant Georg Arnestad ved Høgskulen i Sogn og Fjordane fylgde næringskonferansen i Førde med interesse. Han meiner det Hamre og Kjelsnes står for speglar av dei politiske realitetane i fylket.
– Vi har andre kampar å kjempe utan at vi skal byrje å ta denne kampen på nytt. Det vil føre oss ut i ei bakevje som vi slett ikkje bør komme inn i, seier Arnestad.
- Les også: