For både utmark og innmark gror att svært fort i takt med at bøndene blir færre og driv meir effektivt. Det seier utviklingsleiar ved landbruksavdelinga til Fylkesmannen, Christian Rekkedal.
Den nye ordninga med regionale miljøprogram for landbruket kom med i jordbruksavtalen for to år sidan, og inneber at det skal utarbeidast miljøplanar for landbruket lokalt. No skal framlegget til miljøprogram for Sogn og Fjordane ut på høyring.
Viktig for turismen
Ein pott på 20 millionar kroner skal fordelast, og leiar i bondelaget i fylket, Bjarte Nordanger, seier det er viktig at satsinga på kulturlandskap no blir vidareført. Særleg gjeld det tilskota i bratt terreng som Nordanger meiner er spesielt viktig i forhold til turisme.
Steingardar
Det som er heilt nytt i framlegget, er forslag om å gje midlar til kulturminne som steingardar og bakkemurar. Dette er ofte reine hemskoen for effektivt jordbruk, seier Nordanger, som gjerne skulle sett att det vart tilført meir pengar.