Vil helst vere åleine

Regjeringa har bede alle høgskulane og universiteta om å greie ut samanslåing. Viserektor Terje Bjelle meiner dei står sterkast åleine.

• LES OGSÅ: Høgskulen i Sogn og Fjordane vil stå åleine
• LES OGSÅ: Høgskulen kjempar for sjølvstendet

-Vi går primært for å halde fram som sjølvstendig Høgskule. Vi meiner vi har såpass mange kvalitetar som vi vil vere best i stand til å føre vidare som sjølvstendig høgskule.

Ved å halde fram som sjølvstendig høgskule meiner Bjelle at dei får olbogerom til å tenke strategisk, og fortsette å satse på å utvikle gode studiestader i Sogndal og Førde

- Kvifor stretar de så i mot ynskje frå departementet?

– Vi er bedne om å gjere ei vurdering av kva som skal til for at vi kan halde god kvalitet på det vi driv med framover. I det å vere sjølvstendig høgskule ligg det og at vi skal samarbeide. Det er heilt naudsynt for oss på ein god del utdanningar, og det har vi tenkt å halde fram med.

• LES OGSÅ: Konkurrerer med forskarar frå heile verda – meiner samarbeid må til for å nå opp
• LES OGSÅ: Rektorane positive til tettare samarbeid

Har ein plan B

Men sjølv som Bjelle helst vil styre i eige hus, så har dei ein plan B. I saka som dei har førebudd til styremøtet i neste veke er det peika på at det finst mange alternativ i form av høgskular både sør og nord om fylkesgrensa.

• LES OGSÅ: Meiner samarbeid skal sikre skulen

– Vi har ikkje vore tydlege på å prioritere, men det som har vore linja vår så langt er eit stort samarbeid på Vestlandet. Eit samarbeid som omfattar både Universitetet og Høgskulen i Bergen, oss, Høgskulen Stord-Haugesund og Høgskulen i Volda. Viss ein skal lese seg til ein plan B så er det kanskje noko i den retninga vi vil ha mest tru på.

Og på styremøte i neste veke skal Høgskulen i Sogn og Fjordane vedta sitt endelege syn i saka.