– Vi vil gjerne at alle som har sett ein mann i området rundt Kaupanger kledd i piratbukse (kort, til knea), av type dongeri, om å ta kontakt med oss, seier operasjonsleiar ved Vest politidistrikt i Sogn og Fjordane, Olaug Holme.
Politi og leitemannskapet står framleis utan spor eller tips om mannen som har vore sakna i området rundt Haukåsen i Sogndal sidan måndag kveld.
– Det er ikkje gjort noko funn etter den sakna.
Vil vere folk i området i natt
Den 37 år gamle mannen forsvann då han og to andre var på tur med institusjonen han bur på. Store leitemannskap og rundt 70 frivillige har delteke i leitinga etter mannen.
- Les også:
– Leiteaksjonen vil halde fram utover kvelden, så lenge det er lyst. Når det blir mørkt vil det vere folk i området, men ikkje bli leita på same måte, seier Holme.
Politiet ber folk som har observasjonar, små eller store, om å ta kontakt på 02800.
Resultatlaust også i Florø
Også i Florø har det blitt leita i heile dag etter den 45-år gamle mannen som har vore sakna sidan natt til søndag. Politiet har konsentrert søket etter mannen rundt Storevatnet der 45-åringen sin mobiltelefon vart funnen.
– Søket etter mannen held fram også der fram til det blir mørkt. Planen er å starte opp att leitinga i morgon tidleg.