Tal frå Mattilsynet viser at det er avdekt regelbrot i nesten annakvar norsk fjøs. Bøndene som ikkje greier eksamen, må finne seg noko anna å gjere, seier Kleveland.
– Då er det eit klart teikn på at ein ikkje bør halde husdyr.
Regelbrot hjå halvparten av dei kontrollerte
Av 5500 fjøsar som Mattilsynet inspiserte i fjor, vart det avdekt regelbrot i nesten halvparten av dei. Dette er alle typar regelbrot, frå brot av meir bagatellmessig art som til dømes mangelfullt utfylte skjema, til svært alvorleg saker som vanstell og dyretragediar.
- LES OGSÅ:
- LES OGSÅ:
Tidlegare i år vart 70 husdyr på to gardsbruk i Nordfjord tvangsslakta på grunn av vanstell. Statistikken frå Mattilsynet viser at bøndene treng meir kunnskap, seier Kleveland.
- LES OGSÅ:
– Det er på høg tid at det blir stilt same krav til bønder som yrkesgruppe som det blir til alle andre yrkesgrupper.
Har kontroll i dag
Marit Flatjord, nestleiar i Sogn og Fjordane Bondelag, meiner dei aller fleste bønder tek seg av dyra sine på ein veldig god måte, og ser ingen grunn til å innføre krav eksamen for å kunne ha husdyr.
– Eg synest dei høyrest litt strengt ut.
Sjølv om det i dag ikkje er formelle kompetansekrav, meiner Flatjord dei har bra kontroll gjennom "Kvalitetssystemet i Landbruket" og kontrollane til Mattilsynet.
- LES OGSÅ:
– Då blir det avdekt, og bør bli avdekt om dyrehaldet ikkje fungerer slik det skal. Dersom systemet blir brukt slik det er tenkt, så er det godt nok i dag.
–Andre yrkesgrupper har utdanningskrav og eksamen, bør ikkje også bøndene ha det?
– Det er veldig mange bønder som har agronomutdanning frå tidlegare og har agronomutdanninga i botnen. Erfaring er i mange tilfelle like bra som utdanning.
Greitt med eksamen
Ole-Johnny Stubhaug er gardbrukar i Angedalen i Førde. Han har ikkje noko imot at det blir stilt strengare kompetansekrav til bøndene. Samstundes trur han ikkje dette vil føre til færre dyretragediar.
– Det kan jo hende at ein må akseptere eit slikt krav. Dei som har drive med dyr ei stund trur eg ikkje vil ha problem med å klare ein eventuell eksamen. Eg trur ikkje ein kjem til å jage folk ut av næringa med eit slikt krav.
– Trur du det kan redusere faren for dyretragediar og vanstell?
– Eg trur vel eigentleg ikkje det. Eg trur at alle har den kunnskapen som trengst. Det er berre det at somme har personlege problem som gjer at dei ikkje orkar å gjere jobben som dei skal.
– Dersom ein ikkje er i stand til å lære seg heilt grunnleggande kunnskapar om dyrevelferd, då bør ein naturleg nok heller ikkje ha ansvar for dyr i kommersiell produksjon, seier Kleveland.