Vidar Gudvangen er fødd i 1979 og kjem frå Høyanger i Sogn, men er busett i Førde.
Vidar er for tida vaktsjef med ansvar for TV og radio i NRK Sogn og Fjordane.
Han tok til som journalist i NRK i mars 2010, og kom frå stillinga som nyheitsredaktør i avisa Firda i Førde.
Frå 1. april 2013 hadde han permisjon for å jobbe som reporter i NRK Hordaland i Bergen. Vidar kom tilbake til NRK Sogn og Fjordane frå 1. januar 2014, og har jobba som reporter både for nett, radio og TV.
Han har også laga tv-dokumentarane «På brend grunn», eitt år etter storbrannen i Lærdal, og Glimt av Norge, «På fjordaferd» med gamle MS Atløy.
Etter vidaregåande skule på heimstaden tok Vidar allmennlærarutdanning, engelsk, historie og sosialantropologi i Sogndal og Bergen, før han flytta til Førde og jobb i Firda i 2004. Der jobba han som journalist på papir og nett, vaktsjef, nettansvarleg, kanalsjef og til sist nyheits- og reportasjesjef.
Vidar starta si journalistiske karriere som 15-åring i Radio Smia i Høyanger i 1994, og har sidan vore innom Sogn Dagblad, studentavisene Røynda i Sogndal og Studvest Bergen, samt Bergen student-TV.
I gymnastida var Vidar aktiv i ungdomspolitikken som leiar i Høyanger AUF og medlem av fylkesstyret.
- E-post: vidar.gudvangen@nrk.no
- Telefon: 907 17 368