Ifølgje Statistisk sentralbyrå si folketalmåling er det ikkje berre dei største bykommunane som Førde og Flora som lokkar til seg nye tilflyttarar. Både Gloppen og Eid har hatt ei markant auke både det siste kvartalet og året.
I heile fylket er det ei lita auke frå utgangen av same kvartal 2013. Folketalet i Sogn og Fjordane har auka frå 108 869 til 109 092 personar.
Stor auke
Sogndal har hatt den største auka sidan målinga på same tid i fjor. Kommunen har fått heile 123 fleire innbyggarar det siste året.
Ved utgangen av 3. kvartal 2013 budde det 7 555 i kommunen. I den ferske målinga har det auka til 7 678 innbyggarar.
- LES OGSÅ: Her auka folketalet mest
- LES OGSÅ: Jamt økende folketal
Dette trass i at Sogndal var den kommunen der folketalet gjekk mest ned ved førre kvartalsmåling.
Ordføraren i Eid kommune, Alfred Bjørlo, er godt nøgd med auka.
– Talet på 5 956 er det høgaste folketalet registrert i Eid nokon gong. Folketalsauken så langt i 2014 samla er 30 personar. Det er særleg interessant at dette skjer trass i fødselsunderskot, seier Bjørlo.
Nedgang
For 13 andre kommunar i fylket er ikkje tala like lystig lesing. Selje, Vågsøy og Jølster har den største nedgangen i folketalet.
Selje kommune har mista heile 31 innbyggarar sidan utgangen av sist kvartal, og totalt 48 innbyggarar sidan same tid i fjor. Solund, som berre har i overkant av 800 innbyggjarar, har også mista relativt sett mange innbyggjarar med ein nedgang på 13.
- LES OGSÅ: Her er kommunekasse botnskrapt
- LES OGSÅ: Bruker gulrot for å lokke til samanslåing