Til no i år har ni menneske mist livet i vegtrafikken i Sogn og Fjordane - i same perioden i fjor var talet to, går det fram av statistikken til Trygg Trafikk. Berre i oktober i år omkom tre personar.
Det gjer at Sogn og Fjordane saman med Sør-Trøndelag var det fylket som hadde flest omkomne denne månaden.
- LES OGSÅ:
- LES OGSÅ:
- LES OGSÅ:
«Uverkeleg» lågt tal i 2012
Men også i resten av landet peikar pilene feil veg. I perioden januar til oktober har 158 menneske mist livet i trafikkulukker, i same perioden i fjor 127. I heile 2012 var talet 145 omkomne.
Men talet i 2012 var så lågt at direktør Jan Johansen i Trygg Trafikk kallar det «uverkeleg».
Han ber no trafikantane om hjelp til å stanse den negative utviklinga i 2013.
– Vi veit kva som fører til flest alvorlege ulukker. Det er fart og manglande merksemd frå bilistane. I tillegg er det mange omkomne som ikkje har brukt bilbelte.