Ventar vanskelege forhold på vegane utover dagen

Meteorologane sendte ut OBS-varsel for vanskelege køyreforhold heilt frå Helgeland og Salten i nord, til Agder-fylka . Tysdag har det skjedd fleire trafikkuhell, der politiet opplyser at det har vore glatt vegbane.

• Naudetatane har rykt ut til melding om kjedekollisjon på E18 i Holmestrand. Politiet opplyser at 14 bilar skal vere innvolvert. Det er ikkje meldt om personskadar. Brannvesenet opplyser at det er svært glatt på staden.
• Ved Kyrkjebø i Høyanger er ein person sendt til legevakta etter at ein bil snurra rundt og trefte ein stolpe i ti-tida.
• Utanfor Haukanestunnelen på riksveg 7 i Samnanger hamna ein bil med ein person i fjellveggen.
• På E16 ved Kløfta er ein person køyrt til legevakt for sjekk etter at ein bil hamna på taket. Politiet opplyser om underkjølt regn og svært glatte vegar på Romerike.

• Ein mann i 60-åra kom frå det utan fysiske skader då han mista kontroll på køyretøyet på E39 i Romarheimsdlane. Det blir meldt om mykje slaps i vegbana.

Etter ein roleg start på dagen, kan ein kanskje byrje å sjå konturane av det meteorologane åtvara mot måndag.

• Sjå: Oppdaterte trafikkmeldingar hos NRK Trafikk
• Sjå: Slik ser det ut på vegane (ekstern lenkje)

– Det tyder på at det er bra på hovudvegane, men utover ettermiddagen og kveld kan det bli «hallåi» innover i landet og oppover i høgda, seier vaktoperatør Ronny Sleire ved Vegtrafikksentralen i Bergen.

Mykje plussgrader

Det er venta ein brå overgang frå kulde til mildvêr, og regn som frys på bakken.

• Sjå: Oppdatert vêrvarsel hos yr.no

– I Nordfjord og Sunnfjord er det no nesten berre plussgrader. I midtre og Indre Sogn er det framleis minusgrader. På fjellovergangane er det ei minusgrad, så det er byrja å bli mildt der også, seier Jan Erikstad ved Vegtrafikksentralen i Lærdal.

Framleis fare

Og der gradestokken no viser plussgrader, er faren over for at regnet frys på bakken.

• Les også: Obs-varselet har ikkje slått til

– Der det i morgontimane framleis er minusgrader i morgontimane, kan det bli problem når mildlufta kjem, seier statsmeteorolog Anne-Mette Olsen til NRK.

På Austlandet er vêrskifte venta å komme seint onsdag kveld og natt til torsdag.

– Men ein ting er regn som frys på bakken. Ein annan ting er det at snøgrensa vil krype drastisk oppover utover dagen, truleg opp under 1.000 meter, seier Olsen.

Problem i høgda

I Hordaland er vaktoperatør Sleire budd på meir krevjande forhold frå indre, og høgareliggande strok, utover kvelden og natta.

– Det tvilar eg ikkje på, og det må folk vere budde på, seier Sleire og legg til:

– Det er venta solid temperaturstigning i fjellet utover kvelden, ettermiddagen og natta. Det vil regne ganske høgt opp, og det kan gi vanskelege køyreforhold i stigningar og fjellovergangar.