Det vart i førre veke kjent at politiet vil undersøke familien si hytte ved Straumsnes i Fjaler.
- Dette arbeidet har vi bestemt oss for å skubbe føre oss. Vi prioriterer kriminalteknikarane andre stader, seier lensmann Tore Salvesen i Laksevåg.
Må undersøke
Han vedgår at dette inneber at politiet har liten tru på å finne spor etter den sakna Dung Tran-Larsen i Fjaler.
- Det stemmer. Men vi må likevel undersøke hytta på eit seinare tidspunkt, seier Salvesen. Han kan ikkje seie når eit eventuelt søk vert gjennomført.
Politiet avslutta i går søk etter den sakna under Rongesundet bru etter tips om at ein person skal ha kasta ein bylt ned i sundet.