Fylkesmannen si beredskapsavdeling gjennomførte i går ein vellukka test av dei nyinnkjøpte satellittelefonane. Målet med øvinga var å finna ut om alle kommunane og etatane kunne vera med på sambandet samstundes utan at det braut saman.
– Visste ikkje om folk var i live eller ikkje
No håpar fylkesberedskapssjef Haavard Stensvand at dei skal unngå kaoset som rådde i store deler av Sogn og Fjordane for snart eitt år sidan.
- LES OGSÅ:
- LES OGSÅ:
Her i fylket er det ingen som gløymer jula 2011. Stormen Dagmar tok straumen til 56.000 abonnentar i Sogn og Fjordane 1. juledag, og medan stormen herja vart Telenor sine basestasjonar tappa for straum. Etter kort tid var så godt som alt samband daudt.
- LES OGSÅ:
- LES OGSÅ:
(Artikkelen held fram under bilete)
SLEIT MED KONTAKT ETTER DAGMAR: Men Sven Flo, ordførar i Stryn, hadde i alle fall satellittelefon, i motsetning til mange andre kommunar.
Foto: Heidi Lise Bakke / NRK– I verste fall visste me ikkje om folk var i live eller ikkje i Nordfjord. Verken me, politiet, sivilforsvaret, Helse Førde eller nokon andre fekk tak i dei kommunane. Det var ein veldig spesiell og ubehageleg situasjon som eg håpar me unngår å koma i ein gong til, seier Stensvand.
Mange stader gjekk det mange veker før telefonsambandet kom tilbake etter stormen, då mobilmaster vart sett ut av spel og fasttelefonlinjer vart rivne ned i stormen.
(Artikkelen held fram under videoen)
Framleis mange utan telefon etter orkan
- LES OGSÅ:
Vellukka
Kommunar og naudetatar hadde berre nokre få satellittelefonar den gongen – og få visste korleis dei virka. No har dei aller fleste skaffa seg slikt utstyr, og i går vart det gjennomført ein vellukka test.
Naudetatane og kommunane kopla seg på sambandet etter tur, før Stensvand forsikra seg om at alle kunne høyra det som vart sagt.
– Poenget med øvinga var å sjå om mange kunne vera med samstundes, og det fekk me til, seier Stensvand.
– Kva skulle du gitt for å ha denne moglegheita i romjula i fjor?
– Eg skulle gitt ganske mykje for det!