Leielys, store snuplassar og effektive vifter er dagens krav, men det vil ikkje vere på plass i eldre tunnelar før 2025, ifølge Vegvesenet.
– Det er sikkert ynskje om at det skal gå fortare, men det er mykje ein må ta omsyn til. Blant anna løyvingar og kapasitet til å få utført dette, seier avdelingsdirektør i Statens vegvesen, Svenn Egil Finden.
I haust slo riksrevisjonen fast at arbeidet med branntryggleik i norske tunnelar burde gått fortare. Dei peika blant anna på at det i om lag halvparten av tunnelane ikkje hadde vore brannøving dei fire siste åra.
- Les også:
– Det er som å gå inn i eit bekmørkt rom.
MÅTTE FØLGE KVITSTRIPA: Varabrannsjef i Jølster, Arve Dvergsdal, var ein av dei som måtte inn i Fjærlandstunnelen for finne folk.
Foto: ALEKSANDER ÅSNES / NRKBerre i Sogn og Fjordane har det vore fire farlege tunnelbrannar på fire år. Sist på tysdag då ein feiebil tok fyr i Fjærlandstunnelen på riksveg fem i Sogn.
I kampen mot klokka redda brannmannskap folk i panikk ut av røykhavet i ein seks kilometer lang tunnel utan naudnett, ingen plass å snu bilen, og utan noko form for leielys. Ein av desse var røykdykkar Arve Dvergsdal.
– Det er som å gå inn i eit bekmørkt rom. Det var tøft for dei som var fanga inne i tunnelen utan nokon form for retningssans, seier han.
Fjærlandstunnelen er blant dei som ikkje er sikre etter dagens krav.
– Tunnelen var bygd etter krav og forskrifter frå byggeåret. Dei nye forskriftene seier at tunnelane skal bli oppgradert med ny teknologi og ny kunnskap om sikring i tunnelane. Det vil komme, seier avdelingsdirektør i Statens vegvesen, Svenn Egil Finden.
FEIEBIL TOK FYR: I Fjærlandstunnelen tok ein feiebil fyr. 13 personar måtte til sjukehus med røykskadar.
Foto: Sogn brann og redning- Les også:
