Veg og vêr 26. januar

Valdresflye opnar fredag

Fylkesveg 51 over Valdresflye blir brøyta opp og skal etter planen vere klar for trafikk fredag 31.mars klokka 12.

Vegen blir nattestengd mellom klokka 20 og 08 ei tid framover. Ved uver, kan vegen bli stengd på kort varsel.

Høge brøytekantar

- Det er normale snømengder i fjellet langs fylkesveg 51 i år. I snitt er brøytekantane rundt 1,5 meter høge, men dei høgaste er på fire meter, seier byggjeleiar Håvard Ødegård i Innlandet fylkeskommune.

- Arbeidet med å brøyte opp den vinterstengde vegen har gått etter planen og vegen kan opnast til påske. Det ser ut til å bli gode tilhøve på Valdresflye i palmehelga, seier Ødegård, som oppmodar trafikantene om å følgje med på skilting og parkere slik at dei ikkje hindrar trafikken.

Kolonne på Hardangervidda

Det er innført kolonnekøyring på Rv 7 over Hardangervidda, opplyser Vegtrafikksentralen klokka 7.

Opent igjen i Kinn kommune

Fv 614 i Kinn kommune var stengt ein periode onsdag morgon, etter at eit vogntog køyrde seg fast. Klokka 07.25 vart vegen opna igjen.

Vogntog står fast

Eit vogntog har køyrt seg fast på Fv 614 mellom Haukåtunnelen og Magnhildskaret i Kinn kommune. Vegen er difor stengt inntil vidare, opplyser Vegtrafikksentralen.

Vogntog sperrar vegen

Eit vogntog sperrar vegen på Fv 546 mellom Brekke og Oterå i Austevoll kommune. Vegtrafikksentralen skriv på Twitter at bilbergar er tinga.