- Det er flaum og totalt kaos i delar av Førde sentrum, det seier teknisk sjef i Førde kommune, Bernard Øberg.
Ved Førde Hotell er E39 stengd fordi ei elv renn over vegen.
Trafikken må gå gjennom Førde sentrum, noko som har ført til lange bilkøar på begge sider.
Oppe i byggjefelta er fleire kjellarar oversvøymde.
-Regnet høljar ned vatnet flyt overalt. Det er totalt kaos. Vi har kalla inn mannskap frå sivilforsvaret til å passe på elvar og bekkar, og vi har elles alt tilgjengeleg personell ute, fortel Øberg.
