NRK Meny
Normal

På ei veke har Fjaler vore både varmast og våtast i landet

I går var Fureneset i Fjaler nest varmast i landet. I dag tok dei steget heilt til topps – saman med Ørsta/Volda.

Fureneset i Fjaler

FJALER: Fureneset i Fjaler var saman med Ørsta/Volda varmast i landet onsdag. For ei veke sidan var Hovlandsdal i same kommune våtast i landet.

Foto: Kjell Arvid Stølen / NRK

Vêret har svinga kraftig i Fjaler den siste veka. Førre torsdag var Hovlandsdal våtast i landet , medan Fureneset varmast i landet i dag.

Klokka 13 vart det nemleg offisielt målt 13,1 varmegrader. Likevel tronar Ørsta/Volda øvst på lista over dei høgste målte makstemperaturane i dag. Med same temperatur.

– Det er mange stadar som har hatt tosifra varmegrader i dag. Først og fremst i Hordaland, Sogn og Fjordane og Møre og Romsdal, seier statsmeteorolog Frode Hassel.

Varmt i Svelgen

Det er med andre ord behagelege dagar vi no er inne i. Eit høgtrykkssystem har bygt seg opp over Vestlandet. Og her blir det liggande i alle fall gjennom helga.

Bak Ørsta/Volda og Fureneset, finn ein Svelgen som også med sine 13,0 grader har hatt det nær 30 grader varmare enn dagens kaldaste stad – Kvitøya (-16).

– Det er vel årets varmaste dag så langt, og den første ordentlege vårdagen temperaturmessig, seier Hassel.

Meir sol i vente

Og varmare kan det bli. Ikkje mykje, men litt:

– Det blir ikkje store skilnaden, men kanskje litt stigande temperaturar mot fredag og laurdag, seier statsmeteorolog Aslaug Skålevik Valved.

Prognosane fortel også om godvêr så langt augo kan sjå. I klartekst dei neste ti dagane. Sjølv om temperaturen er venta å falle med nordleg vind frå søndag av.

– Nord for Stad er det større sjanse for nedbør, og i slutten av neste veke ser det ut til å bli stigande temperaturar att. Hovudsakleg blir det lite skyer og ein god del sol, seier Hassel.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.