– Det gjeld vel mest i natt. Det har allereie byrja å kome litt nedbør i ytre strøk og nord i fylket. Det er kjølig no, nedbøren kjem nok som regn på kysten, men litt lenger inn i fylket og i høgda så kjem det snø, seier meteorolog Arnsten Tjøstheim.
Det meste av snøen kjem i løpet av natta og indre deler av Sogn kjem snøen heilt ned til fjorden.
SNØ I NATT: – Men snøen blir ikkje liggande lenge, seier meteorolog Arnstein Tjøstheim.
Foto: Astrid Rommetveit– Det blir ikkje dei heilt store mengdene med snø. Er snøen forholdsvis turr snakkar vi om mellom fem og 10 centimeter, og den kjem til å forsvinne ganske raskt ut over føremiddagen. Men på morgonen kan det nok vere vanskelege køyretilhøve enkelte stadar, seier Tjøstheim.
- Les også:
Han lovar at ut over torsdagen blir det riktig så flott vêr etter kvart.
– Ut over morgonen så går det over til byer og seinare opphaldsvêr. Ut på dagen får vi også ein del sol, seier Tjøstheim.
Ved Vegtrafikksentralen i Lærdal ber Roger Nedberge Hille folk som ut å køyre i løpet av natta og morgontimane om å la bilen stå dersom dei ikkje har vinterdekk.
– Men erfaringsmessig så blir ikkje denne snøen liggande lenge, ut på ettermiddagen torsdag reknar eg med at det skal vere gode køyreforhold, seier Nedberge Hille.