Varslar offensivt Sogndal framfor kampstart

Eirik Bakke og spelarane kom til Fosshaugane Campus klokka 16:30, og er klare for den første kampen i årets 1. divisjon.

Her er spelarane Bakke har plukka ut i startellevaren, som truleg går ut i ein 4-2-3-1-formasjon:

Christian Sukke - Eirik Skaasheim, Bjørn Inge Utvik, Christope Psyché, Victor Grodås - Babacar Sarr, Rune Bolseth - Petter Strand, Robin Shroot, Ulrik Flo - Kristian Fardal Opseth.

– Det er aldri lett å ta ut dei spelarane som får lov til å starte. Men dette er iallfall elleve spelarar eg meiner kan slå Bærum, seier hovudtrenar Eirik Bakke.

Han varslar eit offensivt og spelande Sogndal framfor debuten og seriepremieren mot Bærum på Fosshaugane.

SJÅ INTERVJU MED EIRIK BAKKE FØR KAMPSTART:

• Les også: Drar du kjensel på denne karen? No er han tilbake der alt starta i barndommen
• Les også: Skal skyte førebiletet opp i eliteserien

Hannu Patronen har dei siste sesongane vore ein av dei viktigaste spelarane på Sogndal, men er ikkje i startoppstillinga. Finnen forklarer overfor NRK.no at han har ein liten skade i eine foten, og at han ikkje torer å ta nokre sjansar så tidleg i sesongen.

Kristian Fardal Opseth har fått tillit frå start i Mahatma Otoo sitt skadefråver. Og nykommaren Christian Sukke startar mellom stengene for Mathias Dyngeland, som har vore ute med skade i fleire veker og ikkje er 100 prosent speleklar.

• Les også: Håpar på 2500 tilskodarar til seriestart
• Les også: Opseth-mål gav Sogndal-siger i generalprøven

SJÅ INTERVJU MED RUNE BOLSETH FØR KAMPSTART:

Kampen mot Bærum på Fosshaugane har kampstart klokka 18:00.