Frå før er tre personar mistenkt i saka.
- Denne gongen er det ei 25 år gammal kvinne busett i Ålesund, som er varetektsfengsla i to veker, seier politiførstebetjent Rolf Knutsen til NRK Sogn og Fjordane.
I starten av februar vart ein mann i 30-åra teken i Oslo med eitt kilo amfetamin i bilen. Narkotikaen skulle ifølgje Politiet ha ein gateverdi på 1 million kroner. Tre personar vart varetektsfengsla like etterpå i det som skal vere den største narkotika-saka i indre Nordfjord nokon sinne. Politiet er sparsame med opplysningar om den siste fengslinga, men seier dei etterforskar saka breidt.
