Jan Erikstad ved vegtrafikksentralen i Lærdal er alt anna enn optimist med tanke på køyreforholda i høgfjellet i dag og utover mot helga.
– Vikafjellet er stengt, det vart stengt i går kveld i nitida, og utsiktene for opning kan vere både og. Det er mykje vind og nedbør, så eg kan ikkje garantere for noko opning i dag, seier Erikstad til NRK.
- Les også:
På Strynefjellet er det no innført kolonnekøyring, og han trur dette kan vere ein forsmak på det som kan kome av vêr og vind i helga.
– På Hemsedalsfjellet og Tyin-Årdal er det redusert sikt. Elles er det ikkje meldingar om store problem. Slapseføre i Sogndalsdalen, men utover det er det mykje berre vegar i låglandet, rapporterer Erikstad.