I ettermiddag blir kan det lokalt kome over 30 millimeter nedbør på 6 timar. Det er sendt ut gult farevarsel for indre Sogn.
Gjer det vanskeleg å tolke
Denne veka er siste rest av skuleferien for mange, men korleis vêret blir har vore vanskeleg for meterologane å sjå. Grunna lågtrykk som ligg utfor kysten ved Island, Trøndelag og kysten Vestlandet, var det i dag tidleg nesten umogleg å vite heilt sikkert korleis vêret ville arte seg.
– Det er ein rimeleg kaotisk situasjon, seier meteorolog Lars Andreas Selberg.
Lågtrykket som sirklar gjorde det vanskeleg for meteorologane å konkludere med noko.
– Modellen slit med å plassere kvar det kjem nedbør, seier Selberg.
Det dei kunne sjå, var at det stort sett blir skya. Lågtrykket som ligg utfor kysten no vil gå lenger inn over land i morgon. Det kjem til å blåse nordvest liten kuling på kysten, og at det kan kome meir regn lenger inn i landet. Då blir det kanskje lågare skyar og jamt med regn.
– Det er ein ustabil situasjon. Vi er inne i ein uforutsigbar periode, seier Selberg.
No kan dei sjå at nebøren vil falle over indre Sogn i ettermiddag.