NRK Meny
Normal

Vann over sju millionar i Lotto

Ei kvinne frå Måløy har fått ein god start på det nye året. I går kveld vart ho ein av to vinnarar som kunne dele hovudpremien på over 14 millionar i den første Lotto-trekninga i år.

– Huff! Du tullar nå?! var reaksjonen frå kvinna då telefonen frå Hamar kom rett etter Lotto-trekninga laurdag kveld.

Kvinna frå Måløy trudde ikkje sine eigne øyrer då ho høyrde at ho var blitt 7.395.650 kroner rikare.

– Huff! Du tullar no?! Oh shit, utbraut ho.

Vinnaren hadde nettopp sett på Lotto-trekninga, men hadde ikkje fått sjekka sine eigne tal då Norsk Tipping ringde.

– Då eg såg på, tenkte eg: «Fy flate, tenk å vinne i Lotto! Så heldige dei er!» Og så ringer du. Nei, no har eg hjarteklapp, seier kvinna.

Den ferske Lotto-millionæren er ikkje sikker på kva pengane skal gå til enno.

– Dette var i alle fall ein veldig god start på det nye året. Eg er heilt skjelven, eg. No må eg sette meg ned, seier ho.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.