– Han meiner at han ikkje har gjort noko straffbart, og at han difor er uskuldig. Han meiner at siktinga mot han er uriktig, seier advokat Halvor Frihagen.
Mannen vart i førre veke sleppt fri frå varetekt mot ein kausjon på 9000 euro, som svarar til 85 000 norske kroner.
Advokat Frihagen seier at klienten hans har vore lauslaten frå varetekt ei stund, men vil ikkje kommentere om han er i Spania eller Noreg. Frihagen ønskjer ikkje på noverande tidspunkt å utdjupe omstenda utover det han seier til NRK i dag.
Frå før er det kjent at den fornærma jenta har fått Anette Stegegjerdet Norberg som bistandsadvokat.
– Den fornærma er ei 18 år gammal jente som prøver å handtere livet sitt etter det som har skjedd, medan saka er under etterforsking, seier Stegegjerdet Norberg.