Sist fredag raste fleire store steinblokkar ned på fylkesveg 55 ved Bøvertunsvatnet i Lom i Oppland.
Statens vegvesen får truleg ikkje sett i gang oppryddinga før i neste veke. Området er prega av bratte fjellsider, og for å komme til terrenget krev oppryddinga helikopter.
– Det er meldt sterk vind, nedbør og vekslande temperatur i fjellet, og så lenge veret er slik, er det ikkje forsvarleg å drive med arbeid i fjellsida, seier fungerande seksjonsleiar i vegvesenet, Marthe Tøsse Løvseth.
Viss verprognosen er riktig, må dei vente med oppryddinga til neste veke, men det vil da enda lengre tid å gjere vegen heilt i stand.
– Etterpå vil det ta nokre dagar å køyre bort massane som har rast, reparere vegen og sette opp nytt rekkverk, så det blir vanskeleg å seie noko om kor lang tid det vil ta, seier Løvseth.
Statens vegvesen ber og folk som ferdast i fjellet ved Bøvertunsvatnet om å respektere sperringane som er sett opp etter raset, fordi området kan vere farleg å bevege seg i for turgåare.
STORT RAS: Steinane som sperrer fylkesveg 55 vart beskriven til å vere på størrelse med bilar.
Foto: Politiet
