Siste: Klokka 14:23 melder Statens vegvesen at rv 52 Hemsedalsfjellet er ope for fri ferdsel. Like etter klokka 15 opnar riksveg 5 etter å ha vore stengd sidan i natt på grunn av snøskred.
Statens vegvesen opplyser at fleire fjellovergangar har problem med vêr og føre. Det er kolonnekøyring over dei viktigaste fjellovergangane i morgontimane.
– Det er berre over Filefjell eller Hemsedalsfjellet ein kjem seg over i morgontimane i dag, seier trafikkoperatør ved Vegtrafikksentralen i Lærdal, Ketil Molvær. Klokka 1030 vart Filefjell opna for fri ferdsel.
UVÊR PÅ FJELLOVERGANGANE: Det er store problem på fjellovergangane i morgontimane. Her frå Filefjell som har kolonnekøyring.
Foto: Webcamera Statens vegvesen– Dei klarer å halde unna trafikken så langt. I kolonna tar med seg 25 bilar i slengen, så så langt går det greit, seier Molvær.
Klokka 07 var følgjande fjellovergangar er stengde eller har kolonnekøyring.
- Rv 52 over Hemsedalsfjellet har kolonnekøyring
- Rv13 over Vikafjellet er stengt på grunn av uvêr og blir ikkje opna i dag
- Rv 15 på Strynefjellet er stengt på grunn av uvêr og ras, ny vurdering klokka 14
- Rv. 5 gjennom Sogndalsdalen er stengt på grunn av ras
- Rv.15 Hol - Aurland er stengt på grunn av rasfare, blir ikkje opna i dag
- Fv 53 Årdal - Tyin er stengt på grunn av fare for ras.
Også fleire fylkesvegar og riksvegar er stengde. For å få full oversikt kan du få her.
– Det er eit godt råd å vente med å køyre over fjellovergangane, seier Molvær.
Han håpar på å få meir informasjon om stengingane og kor lenge dei vil vare i 10-tida i dag.
