Alle naudetatar har rykt ut til Amfi Førde på grunn av røykutvikling i ei leilegheit. Dei fekk meldinga klokka 1445.
– Det skal ha vore ein kjele som tørrkokte, men det skal ikkje ha vore opne flammar, seier vaktleiar Dan Inge Gjesdal i Alarmsentralen.
– Ein mann i femtiåra var i leilegheita. Han var oppegåande og medviten då politiet kom til staden, seier operasjonsleiar Wenche Hope i politiet.
Mannen får helsehjelp på staden, og leilegheita blir lufta ut. Politiet veit ikkje kva som har ført til tørrkokinga. Mannen skal i avhøyr når helsetilstanden hans er avklart.