NRK Meny
Normal

Terrorutrykking til Sogn og Fjordane kan ta fleire timar

Skulle ein episode som på Utøya finne stad i Sogn og Fjordane, kan dei raskaste spesialstyrkene komme frå Oslo.

Beredskapstroppen ankommer Utøya

PÅ UTØYA: Beredskapstroppen vart sett inn i aksjonen på Utøya. Spesialstyrkene frå Oslo vil vere dei næraste om noko liknande skulle skje i Sogn og Fjordane.

Foto: Marius Arnesen / NRK

– Vi måtte ha flytta på ein bråte med folk hvis vi hadde fått ein liknande situasjon i politidistriktet vårt. Vi ville ikkje ha takla det utan bistand frå andre, seier Kjetil Drange til Bergens Tidende.

Han er fylkesleiar i Politiets Fellesforbund i Sogn og Fjordane, og fryktar for konsekvensane av ein terrorsituasjon i distriktet.

– Har generelt dårleg bemanning

Politiet skal ha brukt 58 minutt på å komme seg til Utøya, og i Sogn og Fjordane er det store geografiske avstandar med mange fjordar og fjell - noko som naturleg nok aukar utrykkingstida.

I verste fall kan ei utrykking til Sogn og Fjordane ta timar. Drange meiner politidistriktet er generelt dårleg bemanna.

– Vi har mellom 1,0 og 1,1 polititilsett per 1000 innbyggjar. Målet frå sentralt hald er to tilsette i politiet per 1000 innbyggjarar innan 2020 - og det er vi eit stykke ifrå no, seier han til BT.

Ønskjer ikkje å ta debatten no

Fungerande politimeister i Sogn og Fjordane, Ronny Iden, vedgår at ressurssituasjonen er tøff i distriktet hans.

LES OGSÅ:

Han meiner overfor avisa likevel at det blir feil å gå inn i sin slik diskusjon så kort tid etter tragedien på Utøya.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.