- Eg er nøgd slik gutane står opp i andre omgang, etter å ha fått 0-2 i trynet så tidleg i kampen. Så får vi sjå på kvifor vi spelar som vi gjer i første omgang, seier trenar Karl Oskar Emberland.
- Har litt å jobbe med
Trenaren vedgår at det vart ei seriepremiere med mykje "både og". Laget gjekk ti treningskampar på rad utan tap, men var berre minuttet frå å stå att med null poeng i seriepremiera.
- Vi, som andre lag, har litt å jobbe med for å komme i gang med sesongen, seier Emberland.
- Deilig kjensle
Eit effektivt Hønefoss-lag leia 2-0 før kvarteret var godt. Aye Elvis og innbyttar Ulrik Flo sytte for poengdeling. Dommaren la til fire minutt. I det 92. minuttet stanga Flo inn utlikninga.
- Eg snudde meg for å sjå, men då låg ballen allereie i nettet. Det var ei deilig kjensle, seier Flo.
Les også: