Uroa for omlegging ved redningbasen
Liv kan gå tapt når private skal overta drifta av redningsbasen i Florø etter 330-skvadronen. Det seier stortingsrepresentant frå Ap, Ingrid Heggø, til Firda. Bakgrunnen for uroa hennar er at militært personell får lov å fly i dårlegare vêr enn sivile flygarar. Justisminister Anders Anundsen seier dei vil setje krav til dei private for å vege opp for fordelane ved å fly under militært regelverk. Forsvaret sin 330-skvadron har drive basen sidan 1970, men frå 2017 vert den overlaten til private.