– Vi er veldig klar over at Kulturrådet har fått eit stort kutt frå regjeringa, og at dei måtte kutte i ordningane sine. Det vi er redde for er at kutt på ein tredjedel av stønaden til nynorsk litteraturproduksjon fører til færre bøker på nynorsk, seier leiar i Noregs Mållag, Marit Aakre Tennø.
Tidlegare i veka vart det klart at regjeringa kuttar 10 millionar kroner i løyvingane til Kulturrådet.
Det vart opp til Kulturrådet å fordele kutta i organisasjonen, og dermed vart det bestemt at 1,1 millionar kroner skulle fjernast frå støtteordninga til nynorsk litteraturproduksjon.
Ordninga har som mål å sikre at det finst stor breidde i ulike tiltak for å gje ut og formidle nynorsk litteratur.
- LES OGSÅ:
Svekker konkurranseevna i ein vanskeleg marknad
UROA OVER KVA SOM VIL SKJE: Leiar i Noregs Mållag, Marit Aakre Tennø, fryktar kutt i støtteordninga for nynorsk litteraturproduksjon vil føre til færre bøker på nynorsk.
Foto: Noregs MållagTennø seier at mange av dei bøkene som i dag får slik støtte truleg ikkje hadde vore utgjevne i det heile teke, eller hadde kome ut på bokmål om det ikkje hadde vore for ordninga.
– Nynorsk tekstproduksjon er så viktig for nynorsken, at vi er uroa for det som no skjer. Vi veit ikkje korleis kuttet vil utarte seg enno, seier leiaren i Noregs Mållag.
- LES OGSÅ:
- LES OGSÅ:
Nynorskrørsla hadde håpt at løyvingane ville halde fram.
– Vi veit at nynorsk skriftproduksjon er avhengig av støtte, for ein konkurrerer ikkje på like vilkår.
– Marknaden vil helst ha bokmålsbøker og ein sentralisert bokhandelsstruktur, og begge deler gjer det vanskeleg å få stilt ut og distribuert bøker på nynorsk. Det gjer at nynorsk bøker er avhengig av ei eller anna form for støtte for å kompensere for dette.
