NRK Meny
Normal

Uønskt gjest tok seg inn og skada seg sjølv og andre

Ein person tok seg inn i ein bustad i Nordfjordeid i natt. No er inntrengaren sendt til sjukehus med skader.

Det var klokka 04:46 i natt at politiet i Nordfjordeid fekk melding om at ein uønskt person hadde teke seg inn og vore valdeleg i eit hus med fleire bueiningar. Ein person i huset fekk skader. Den ubodne gjesten som tok seg inn fekk kuttskadar etter å ha knust eit vindauge i ei dør. Politiet melder at inntrengaren er sendt til Førde sentralsjukehus. Den ubodne gjesten vert meld av politiet. Tilstanden til dei skadde er uviss.

Avslutta fest

I Førde fekk politiet klokka 01.46 i natt melding om at ubodne gjestar hadde "teke over" ein privat fest. Politiet rykte ut og avslutta festen.

Litt tidlegare på natta køyrde politiet i Førde heim ein rusa mann i 20-åra. Elles har ikkje politiet så mykje å melde om ting som har skjedd natt til kristi himmelfartsdag.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.