Unngå bustadbrann i juletida

I desember oppstår det dobbelt så mange bustadbrannar som elles i året.

Brannvesenet og Etrygg utfører «Aksjon bustadbrann», der dei sjekkar branntryggleiken i private bustadar.

Dei gir enkle tips til korleis du kan vere mest mogleg trygg mot brann i juletida.

Ingeniør i Førde kommune, Torill Anita Segtnan, har tips til korleis ein kan sikre seg best mogleg mot bustadbrann.

Dette bør du tenke på:

1. Sjekk brannsløkkingsapparat

Pulverapparatet bør du snu og vende, og høyre etter om det rislar.

2. Test røykvarslaren

Sjekk at det pip i varslaren og bytt gjerne batteri.

3. Sikringsskåpet

Sjå at alt er i orden med jordfeilbrytaren. I enkelte sikringsskåp kan du teste den.

4. Merk deg rømmingsvegar

Merk deg alle rømmingsvegar og avtal møteplass ute. Hald gjerne brannøving med familien.

5. Julelysa

Ikkje gå frå levande lys eller julebelysing. Lysa skal slukkast når du forlèt huset og om natta.