Ungdom falt ut frå eit vindauge

Ein ung mann skal ha falt ut frå eit vindauge og landa på betong i Florø. Er sendt til sjukehus med skade i hovud og skulder.

Laster kart, vennligst vent...

FALT NED PÅ BETONG: Ein ungdom falt ut frå eit vindauge og ned på betong i Brandsøy i Florø.

Det var natt til sundag kl. 01.20 politiet fekk melding om ei fallulukke i Brandsøy i Florø. Den skadde er ikkje avhøyrd av politiet, men det var vitne på staden.

– Fleire vitne kunne bekrefte at den skadde skal ha hengt seg opp ned med beina ut eit vindauge. Mannen skal ha mista taket og falt ned i betong, seier Vest politidistrikt sin operasjonsleiar i Sogn og Fjordane, Trond Hatlenes.

Ungdomen har moderate skader i hovud og skulder og blei sendt med ambulanse til sjukehus.

– Lege undersøkte mannen på staden, og kunne melde om moderate skader i hovud og skulder, seier Hatlenes.

Laster Twitter-innhold

Ei travel natt

Natt til sundag var det mykje å ta tak i for politiet i Sogn og Fjordane.

– Det gjekk ganske jamt i natt fram til klokka 5 med mykje ordensforstyrringar. På sommartid skjer det mykje både her og der, noko som gjer til at vi gjerne har litt meir å ta tak gjennom helgene, seier Vest politidistrikt sin operasjonsleiar i Sogn og Fjordane, Trond Hatlenes.

Rett før midnatt måtte politiet til Olden etter melding om festbråk der om lag 20 personar var samla. Festedeltakarane fekk beskjed om å avslutte festen innan ein halv time.

Fleire måtte køyrast heim i nattetimane

I både Florø og Førde måtte politiet frakte rusa personar heim til foreldra.

Kl. 01.43 fekk politiet melding om ein overstadig rusa person på Kolkaia i Florø, som politiet køyrde heim att. Seinare på kvelden måtte politiet køyre ein rusa person heim frå Krokane i Florø.

Både i Vik og i Vågsøy måtte politiet køyre rusa personar heim.

Amper stemning natt til sundag

Ein person på legevakta skal ha blitt slått til av ein annan i Jølster. Gjerningspersonen dukka opp på legevakta og det var amper stemning, noko som gjorde til at politiet var på legevakta ei stund.

Ein mann i Florø er arrestert for familievald. Kona sendt til legevakta med skadar i ansiktet.

Seinare måtte politiet i Florø rykke ut til bråk og slåstkamp ved ein bensinstasjon i Florø

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.