Meteorologane har sendt ut OBS-varsel for vinden som kjem inn over kysten tysdag ettermiddag.
No er det lurt å feste julelysa ekstra godt på treet, for det blir sterk vind i heile fylket.
- Tysdag ettermiddag auking til sørleg liten storm på kysten og i fjellet, og sterk storm kring Stad. Det er også venta lokalt kraftige vindkast på 25–30 m/s. Vinden er venta å minke onsdag føremiddag.
Frå vind til nedbør
Meteorolog Halldis Berge ved vêrvarslinga på Vestlandet fortel at vinden etter kvart går over til regn.
– Onsdag ventar vi meir nedbør. Det ein sørvestleg vindretning, og stiv kuling på kysten og i fjellet. Det blir bygevêr, og snøgrensa trekk seg nedover, fortel Berge.
Då vil nedbøren komme som snø ned til 6–800 meter. Torsdag vil den krype enda lenger ned mot låglandet.
– Då vil det kanskje snø i låglandet også, fortel meteorologen.
På vesle julaftan er det store spørsmålet meteorologane stiller seg: kor varmt blir det?
– Det er usikkert om det blir sludd eller regn i indre strok. Men det blir i alle fall regn på kysten og snø i fjellet, seier Berge.
Per no ser julaftan ut til å halde fram med byevêr og vind frå vest – men det er enno nokre dagar att til det varselet er sikkert.
- I Sogn og Fjordane er det fare for våte flakskred og våte laussnøskred på grunn av det milde været. Hugs å følge med på Varsom.no dersom du skal på skitur når snøen kjem!
På earth.nullschool.net sitt vindkart kan du sjå kvar vinden er sterkast:
