NRK Meny
Normal

Tvilar på felgproduksjon i Høyanger

Innovasjon Norge deler ikkje lokalbefolkninga sin optimisme etter intensjonsavtale om framtidig felgproduksjon i Høyanger.

Dei siste felgane frå Fundo.

Det er kommunen og det franske bildeleselskpaet Saint Jean som har signert intensjonsavtalen om å produsere hybridfelgen i industribygda .

- Det er jo positivt. Veldig positivt. Det er dette folk har venta svaret på. Blir det? Blir det ikkje? Det er greitt å få avklaring at det skjer noko, seier Monica Larsen Gjersvold.

Nøktern Roald

Lokalbefolkninga er optimistar og vonar på nytt liv i lokala til konkursråka Fundo Wheels . Kring 300 personar mista jobben då verksemda stengde dørene i februar i år . Det er Innovasjon Norge som eig konkursbuet og patenten på hybridfelgen. Kredittsjef i Innovasjon Norge, Nils Roald, er nøktern til den nye avtala.

- Avtala inneber ikkje kostnadar eller forpliktingar til dei som inngår ein slik avtale. Men vi ser på det som interessant og eitt av fleire innspel i høve kva som skal skje med anlegget i Høyanger, seier han.

(Saka held fram under TV-innslaget)

Video nsps_upload_2009_2_12_19_6_38_38.jpg

Lita interesse for Høyanger

Roald seier sjansane var større rett etter konkursen for ny produksjon i Høyanger.

- Vi ser at det vil vere vanskelegare å sjå føre seg ny drift i Høyanger på basis av den situasjonen vi no står ovanfor, men ikkje umogleg, seier han.

Fleire har meld interesse for å kjøpe utstyr og patent, men få vil drive produksjonen i Høyanger.

(Saka held fram under TV-innslaget)

Video nsps_upload_2009_1_12_19_11_2_2185.jpg

Ventar på bod

Roald ventar å høyre frå fleire, men seier at det er lita interesse for å drive produksjonen vidare i Høyanger.

- Men vi ser at det er andre som er interessert i noko av utstyret. Så er det samstundes slik at det er vanskeleg å få i gang ny produksjon innan bildeleproduksjon i dag. Slik sett er det mange som tenkjer seg om både ein og to gonger. Vi ventar å få bod frå både ein og to, seier han.

(Saka held fram under TV-innslaget)

Fundo Wheels i Høyanger

- Kan bli veldig bra

Lokalbefolkninga meiner likevel at intensjonsavtalen er den beste løysinga for Høyanger og felgproduksjonen. Larsen Gjersvold var sjølv mellom dei mange som mista arbeidet.

- Eg trur ikkje det blir så veldig mange som får arbeid i byrjinga, men optimismen vil komme. Om det ikkje blir stort med det same, så kan det jo bli veldig bra, seier ho og tykkjer det er trasig å sjå lokala stå tome dag ut og dag inn.

Orkanen Tor var ikkje ekstrem nok
Ordninga bør endrast
GILGAMESH - Kongen som nekta å døy