Turist-nedtur for Fjord1

Selskapet må leggje ned fleire ruter på Vestlandet.

Turistruta på Fjærlandsfjorden

I FARE: Turistruta på Fjærlandsfjorden kan bli lagd ned.

Foto: Eivind Hjellum

Fjord1 klarer ikkje å tene pengar på turistrutene i vestlandske fjordar.

No har konsernstyret i selskapet bestemt seg for å leggje ned fleire ruter. For Sogn og Fjordane betyr det at ruta på Fjærlandsfjorden blir borte frå neste år.

Også i ruta Flåm - Gudvangen kan det bli kutt. På strekninga Lærdal - Kaupanger - Gudvangen vil drifta neste sommar avgrense seg til dei tre sommarmånadene, skriv Bergens Tidende.

- Enorme ringeffektar

- Blir desse kutta gjennomførte, er det ikkje tvil om at vi står overfor ei katastrofe for reiselivet på Vestlandet, seier Kristian Jørgensen, administrerande direktør i Fjord Norge.

- Ringeffektane av å miste turistbåtane er enorme, seier reiselivssjef Noralv Distad i Aurland og Lærdal til avisa.

Opnar for å halde fram

I eit brev til Sogn og Fjordane fylkeskommune skriv direktør Stig Kristoffersen i Fjord1 at dersom andre vil vere med på å finansiere rutene, kan selskapet snu i saka.

Ved Hotel Mundal i Fjærland opnar Bård Husby for at hotellet kan ta over båtdrifta på Fjærlandsfjorden.

- Vi er ikkje framande for å gjere det, seier den daglege leiaren til Sogn Avis.

Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.