- No ser han fram til rettssaka og trur på frifinning, seier Kolås om klienten Karl-Jan Erstad til Firda.
Økokrim meiner Erstad hadde ei leiande rolle i reinseforsøket, som førte til at fleire tankar med forureina avfall gjekk i lufta på Vest Tank sitt anlegg i Sløvåg i Gulen 24. mai 2007.
- LES OGSÅ:
Tre involverte dømde til fengsel
I tingretten vart rådgjevar Erstad frå Fjaler dømd til fengsel i 45 dagar på vilkår.
Dagleg leiar i Vest Tank, Jostein Berland, og eigar og styreleiar Trond Emblem vart dømd til fengsel i eitt og eit halvt år utan vilkår.
LES OGSÅ:
- Visste ikkje om stoff i lasta
14. februar kjem ankesaka opp i Gulating lagmannsrett - og no trur advokat Kolås på full frifinning:
Ein tilleggsrapport frå konsulentselskapet Gexcon legg vekt på opplysningar som styrkjer forsvarets teori om at det oktanforsterkande stoffet MTBE var tilført bensinlastene som kom med Trafigura-skipa til Sløvåg hausten og våren 2006-2007, utan at Vest Tank-leiinga og rådgjevaren visste om det, skriv Firda.
- Den første rapporten var ein viktig del av grunnlaget for at min klient vart dømd. Dette er opplysningar og ein modifisert konklusjon, som styrkjer vår sak, seier Kolås til avisa.
