Ordførar: – Gruvesatsing kan gi 400 nye arbeidsplassar

Ordførar Håkon Myrvang (Ap) i Naustdal kommune trur Nordic Mining sine gruveplanar i Engebøfjellet kan gi kommunen 400 nye arbeidsplassar. Det skriv Firda.

• LES OGSÅ: Nordic Mining forstår ikkje kritikk

Omstridde planar

Planane om gruve i Engebøfjellet er omstridde fordi store mengder overskotsmasser frå gruva er planlagt dumpa i Førdefjorden.

Men gruva kan gi ein industrivekst langt utover dei 170 arbeidsplassane som Nordic Mining legg opp til, seier Myrvang til Firda.

– Vidareforedling og andre indirekte aktivitetar totalt kan føre til at gruveprosjektet kan gi 400 nye arbeidsplassar, sa Myrvang ifølgje avisa under eit formannskapsmøte denne veka.

• LES OGSÅ: Naustdal seier ja til rutil
• LES OGSÅ: Reagerer på rutilmøte om Engebø

I forhandlingar

Leiinga i Naustdal kommune forhandlar no med Nordic Mining om utbyggingsavtalen for det gigantiske prosjektet i fjellet på Engebø.

Både kommunen og fylkespolitikarane har sagt ja til gruveprosjektet.

Harald Kvame i Høgre understreka i møtet at det må vere realisme i krava som blir stilte. Ole Erik Thingnes frå SV, er sterk motstandar av fjorddeponi, og kan ikkje i sin villaste fantasi forstå at kommunen kan gå inn for fjorddeponi.

– Det er for mykje uvisse slik det ligg no, sa Thingnes ifølgje Firda.

• LES OGSÅ: Ja til gruve og fjorddeponi
• LES OGSÅ: Skremt over at fylkespolitikarane seier ja til gruveprosjektet