Nordic Mining ønskjer å starte gruvedrift i Engebøfjellet, med tilhøyrande sjødeponi i Førdefjorden. Det er meir enn eitt år sidan Klima- og miljødepartementet kravde tilleggsundersøkingar av straummålinga i fjorden.
No har dei lagt fram dei nye undersøkingane, men det er svært delte meiningar om resultatet viser at sjødeponiet er forsvarleg eller ikkje. Nokre er uroa for miljøet, andre håper på fleire arbeidsplassar i området.
Kritisk for miljøet
Leiar for Naturvernforbundet, Lars Haltbrekken, er blant kritikarane.
– Dette viser at det planlagde gruveprosjektet på Engebø bør stansast med det same, seier han.
Haltbrekken er ikkje i tvil om at dette prosjektet vil få store negative konsekvensar for alt levande liv i eit stort havområde. Han fryktar også at slammet ifrå gruveselskapet vil spreie seg over eit mykje større område enn det Nordic Mining sjølv seier.
Haltbrekken baserer dette på erfaringar med liknande dumping av avfall i Bøkfjorden i Finnmark.
- LES MEIR:
- LES MEIR:
Han viser også til at både Havforskingsinstituttet og Fiskeridepartementet framleis er kritiske til Engebøprosjektet etter dei ferske tilleggsundersøkingane vart lagt fram. Havforskingsinstituttet skriv følgande:
«Man undervurderer strømhastighetene i modelleringen og dermed spredningspotensialet for gruveslam, man undervurderer fjordens betydning for fisk, man undervurderer partiklers påvirkning på fisk og bruker for høye grenseverdier for negativ påvirkning, man undervurderer fjordens biologiske mangfold, samtidig som metodikken ofte ikke er egnet til noen konklusjoner i det hele tatt.»
Ivar S. Fossum i Nordic Mining seier det var forventa at Naturvernforbundet, Havforskingsinstituttet og Fiskeridepartementet framleis er negative til prosjektet.
– Det er eg ikkje overraska over. Dei har hatt ei veldig prinsipiell haldning mot sjødeponi heile tida, seier han etter informasjonsmøtet er avslutta.
Nye arbeidsplassar i fylket
Fylkessekretær Ingvar T. Myrvollen er einig i at prosjektet vil vere positivt for lokalområdet. Myrvollen meiner det no er veldig grundig undersøkt over fleire år, og at dei siste målingane er tryggande med tanke på naturen.
- LES OGSÅ:
– Vi ser mange moglegheiter for arbeidsplassar og utvikling, seier han.
Alvar Melvær er skeptisk til om Nordic Mining og Engebøprosjektet vil skaffe fleire arbeidsplassar til lokalbefolkninga.
– Eg veit ikkje om dei tenkjer seg at det å knuse stein ute i Engebøen skal vere eit godt tilbod til våre høgt utdanna ungdommar. Kvar har dei tenkt å skaffe arbeidskraft? Kvar har dei tenkt å plassere brakkeleirane?
- LES OGSÅ:
Fossum seier dei stadig blir kontakta av unge som lurer på korleis dei skal gå fram for å få jobb når prosjektet startar opp.
– Det å knuse stein i dag er ein avansert industri. Det er ikkje berre å knuse stein. Du skal planlegge mykje og foredle eit mineral til eit høgverdig produkt. Det inneber mykje teknologi, kompetanse og ein arbeidsstokk med stor variasjon, svarar Fossum.