Politiet presenterer i føremiddag krimåret 2012 for Sogn og Fjordane.
– Når det gjeld forbrytelsar, dei mest alvorlege forholda, i 2012, så er kurva klart nedgåande. I fjor registrerte vi i underkant av 2.600 saker, seier leiar Retts- og påtaleeining, politiinspektør Ronny Iden.
Mindre vinningsbrotsverk
Politimeister Johan Brekke innleia pressekonferansen med å seie seg nøgd med statistikken for fylket. Samstundes presiserte han at dei framleis har forbetringsområde.
Iden fortalde at tal vinningsbrotsverk på veg nedover, og faktisk i fjor var nede i det lågaste sidan 2000.
Meir vald
Politinspektøren seier ein i Sogn og Fjordane i mindre grad blir råka av dei mobile vinningskriminelle.
Valdtekt og valdtektsforsøk har det vore lite av i Sogn og Fjordane. Derimot har tal valdssaker gått opp frå 2011 til 2012. Auken er i Førde og Florø. I alt auka i valdssakene frå underkant av 300 saker til kring 370 saker.
– Men dei åra, 2010 og 2011, var tala veldig låge, seier han.
– Det vi ikkje har så mykje av er denne blinde, overfallsvalden. Det er ein del rusa ungdom som utøver vald, seier han og likevel ikkje vil trekkje akkurat den biten for langt.
- LES OGSÅ: Brekke innfører krav om responstid
Fem store narkosaker
Dette er eit område der tala gjenspeglar politiet sin innsats. Statistikken har gått opp og ned dei siste åra, og enda i fjor som i 2011 på like i overkant av 600 saker. I hovudsak er det hasj og amfetamin som er i omløp.
– Vi har i 2012 arbeidd med fem store kompleks, seier Iden.
Ein asylsøkjar vart i februar dømd til ni månadar fengsel for sal av over ein kilo hasj. I tillegg til hovudmannen vart kring ti personar domfelt i etterkant i sakskomplekset.
Stor sak i Florø
I januar starta politiet i Gloppen opprullinga av ei narkotikasak som gjeld kring 11 personar. Denne er førebels ikkje klar for pådømming.
I mars vart eit sambuarpar frå Høyangar dømd for sal 1,5 kilo hasj. Ytterlegare 16 personar var innblanda i saka.
I juni vart ein mann av utanlandsk opphav varetektsfengsla i samband med ei sak som omhandlar ei større mengde hasj, amfetamin. Ein lokal person er i same sakta sikta for omgang med kokain.
Også i Førde og Sogndal har ein rulla opp store saker.
Iden seier avslutningsvist han er nøgd med både oppklaringsprosenten på 52,5 prosent og saksbehandlingstida på 91 dagar.