– Måndag vart den sikta transportert til Trondheim. Der skal han under tvungen rettspsykiatrisk observasjon, og det skal skje i ein periode inntil 12 veker, seier regionlensmann i Sogn, Åge Løseth.
Det er Sogn tingrett som har komme med kjennelse i saka.
– Dette er gjort primært for å betre arbeidstilhøva for dei rettsoppnemnde sakkunnige som skal vurdere helsetilstanden til den sikta, seier Løseth.
4. november i fjor blir to menn i 50-åra og ei 19 år gammal jente drepne med kniv om bord på Valdresekspressen.
Ein 30 år gammal asylsøkjar frå Sør-Sudan er sikta for drapa. Han har i ettertid nekta å late seg avhøyre, og vil ikkje vedkjenne seg det som har skjedd. Mannen hadde fått avslag på søknaden om opphald i Norge og skulle sendast ut av landet.
- LES OGSÅ:
- LES OGSÅ:
Har ikkje hatt optimale forhold
Løseth vil ikkje seie noko om kva arbeidstilhøve dei sakkunnige dei har hatt så langt i saka.
– Eg korkje vil eller kan gå i detaljar om det. Det får dei seie noko om. Men i og med at vi har gjort det grepet som vi har gjort no, så ligg det i korta at dei ikkje har vore optimale, seier Løseth.
Sjølv om den trippeldrapssikta vert flytta til Trondheim, har det lite å seie for politiet sine moglegheiter til å avhøyre den sikta. Til no har han nekta å forklare seg for politiet.
– Det endrar seg lite. Om vi tek avhøyr av sikta i Trondheim eller ein annan stad i Norge, så betyr det veldig lite for oss. Vi følgjer berre opp der, og i den grad det vert mogleg å få gjennomført eit avhøyr der, så gjer vi det, seier Løseth.
- LES OGSÅ:
- LES OGSÅ:
Kan ikkje seie noko om helsetilstanden
Det er førebels ikkje komme noko ny informasjon om helsetilstanden til den sikta mannen frå Sør-Sudan.
– Den kan ikkje eg seie noko om, seier Løseth.
Han kjenner heller ikkje til kva type behandling den sikta vil få når han vert lagt inn til tvungen observasjon.
– Det veit eg ikkje, og det kan eg heller ikkje gå inn på. Dette ligg hjå helsevesenet, seier Løseth.
- LES OGSÅ:
- LES OGSÅ:
Vart flytta ved hjelp av Forsvaret
Den trippeldrapssikta vart flytta til Trondheim ved hjelp av eitt av Forsvarets Hercules-fly.
– Vi måtte finne ein måte å reise på , og då Forsvaret sa seg villige til å hjelpe oss, valde vi den løysinga. Vakthaldet var godt teke vare på, seier Løseth til Bergens Tidende.
Sør-sudanaren har site i ordinær varetekt sidan midten av desember, etter at han vart utskriven frå Sandviken psykiatriske klinikk i Bergen.
- LES OGSÅ:
- LES OGSÅ: