Treng 30 millionar kroner ekstra til rydding etter «Dagmar»

Orkanen «Dagmar» øydela 1,5 millionar kubikkmeter skog då den feia over landet i romjula. Neste fredag kjem statssekretær Harald Oskar Buttedahl for å sjå på skadane i Stryn kommune, som vart verst råka i Sogn og Fjordane.

• SJÅ: Alle bileta frå «Dagmar» sine herjingar

Sjølv om skadane er verst i aust, gjer bratt terreng og veglause skogsområde situasjonen alvorlegast i vest.

• LES OGSÅ: «Dagmar» øydela vegar for 144,5 millionar kroner
• LES OGSÅ: Sjå lista over kvar uveret Dagmar gjorde mest skade på vegane

– Kvart fylke får tilskot tilpassa normal situasjon. No er det ikkje normalsituasjon i Sogn og Fjordane og på Sunnmøre, seier styreleiar Ingunn Kjelstad i Sogn og Fjordane Skogeigarlag.

Snarleg avklaring

For å unngå ytterlegare tap og for å få raskare rydda opp i skogsområda, har skogeigarlaget bede Landbruks- og matdepartementet om ekstraordinært tilskot på 30 millionar kroner til Sogn og Fjordane og Møre og Romsdal.

• LES OGSÅ: Skogmeister åtvarar mot ryddearbeid
• LES OGSÅ: Store tap for uforsikra skogeigarar

Her gjorde Dagmar skade på vel ein halv million kubikkmeter skog, til ein verdi av over to milliardar kroner. Departementet ynskjer ikkje å kommentere saka, men Kjelstad håpar på snarleg avklaring.

– Vi har med biologisk nedbrytbart materiale i skogen, som må takast ut så fort som mogleg. Då har vi ikkje meir enn tida og vegen, seier Kjelstad.

(Artikkelen held fram under tabellen)

Verdien halvert

Berre i Sogn og Fjordane vart 300 000 kubikkmeter skog lagt ned. Med ein produksjonsverdi på 4 500 kroner per kubikkmeter, er det ikkje ubetydelege summar for skogeigarane.

• LES OGSÅ: "Dagmar" vart dyr for kraftselskapa
• LES OGSÅ: «Dagmar» flytta sjøbua over bukta

Etter orkanen er verdien på skogen nær halvert, men den kan bli lågare.

– Etter kvart som tida går, så vil kvaliteten på virke bli forringa, slik at massevirkeprosenten blir større og då blir den samla verdien lågare, seier Kjelstad.

30 km. ny veg

Skogeigarane i Sogn og Fjordane er i gang med oppryddinga. Mellom anna er tre taubaner og maskiner innleigde frå Austlandet i sving.

Det er også behov for 30 kilometer ny skogsveg for å ta ut den orkanskadde skogen i fjordfylket. Problemet er at vegmidlane for 2012 i dag er knytt opp til skogsvegar i samband til den nye kraftlinja mellom Ørskog og Fardal.

• LES OGSÅ: Jørn er berginga for veglause
• LES OGSÅ: Sender tang og tare til gjenvinning

– Det forverrar situasjonen ytterlegare for 2012, og dei vegane vi kanskje har meir bruk for no i samband med orkanen. Det er klart at det påverkar negativt, seier Kjelstad.