Tre ramla over kraftline - graset tok til å brenne

– Brannmannskap har kontroll på brannen, og den er så godt som sløkt, seier vaktleiar ved 110-sentralen, Jan Gunnar Holvik.

Brannmannskap frå både Førde og Naustdal rykka ut til grasbrannen ved Herstad i Naustdal.

– Det er eit tre som har ramla over ei kraftline, og det har oppstått ein grasbrann på grunn av dette, seier Nina Andal ved 110-sentralen.

Meteorologisk institutt har sendt ut eit OBS-varsel på lokalt stor gras- og lyngbrannfare for heile Sør-Norge. Spesielt ytre strok er utsett fram til det kjem ein del nedbør.

Over hundre stod utan straum

162 husstandar i Naustdal vart råka av brannen og stod utan straum. No er straumen tilbake, melder Sunnfjord Energi.