– Det er gjort beslag av sentralstimulerande middel og ein del hasj. Etter vår målestokk er dette eit stort beslag og ei relativt omfattande sak, seier regionlensmann Dag Fiske i Sunnfjord.
I slutten av april vart ein mann pågripen og varetektsfengsla i fire veker. Sidan er to andre pågripne.
– Og vi reknar med å pågripe fleire i tida framover, seier Fiske.
Det står att mykje etterforsking i saka, mellom anna fleire avhøyr av mannen som sit i varetekt. I komande veke skal politiet vurdere om dei skal be om forlenga varetektsfengsling av mannen.