NRK Meny
Normal

Travel natt for politiet

Natta vart prega av rus og ordensuro for politiet i Sogn og Fjordane

politi illustrasjon

RUS OG URO: Travel natt for politiet

Foto: Kyrre Lien / Scanpix

Like før midnatt vart ein mann i 20-åra send til sjukehus med alvorlege skadar etter ei fallulukke på ein utestad i Førde.

– Mannen var blitt nekta tilgjenge til utestaden, og prøvde så å klatre inn på baksida av bygget, fortel Espen Gulliksen som er operasjonsleiar ved Vest politidistrikt i Florø.

Like etter midnatt måtte politiet i Førde vise bort ein mann i 30-åra frå sentrum fordi han var rusa og truga vakter.

I tretida i natt vart ei kvinne i 90-åra frå Gaupne send til Sentralsjukehuset i med røykskadar etter røykutvikling frå ein elektrisk omn. Politiet vart varsla av pårørande som var blitt oppringt av kvinne som fortalde at røykvarslaren var utløyst

I Vågsøy vart ei kvinne i 40 åra henta av politiet og køyrt heim etter at ho var uønskt på ei adresse i Måløy.

Ved-tretida i natt vart også oppretta sak for kropskrenking mot ein mann 20-åra etter at han to gonger hadde lagt ein mann i 50-årar i bakken i Måløy sentrum

På Nordfjordeid vart ei dørvakt slått til av ein mann i slutten av tenåra, og politiet har oppretta saka for kropskrenking.

I Sogndal vart ein mann i slutten av tenåra meld for bruk av hasj, og køyrd heim av politiet.

I Florø måtte politiet like før midnatt rykke ut for avslutte ein fest på ein privat stad, etter melding om ordensuro.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.