– Vi har selt avdelinga i Vegsundet utanfor Ålesund til ei gruppering på Sunnmøre, der hovudaksjonær er Veøy AS, seier styreleiar i Transferd, Peter Midthun.
Transferd AS er eigd av Firda Billag AS. Selskapet har ikkje lukkast med godssatsinga si, og i fjor hadde selskapet eit underskot på 2,5 millionar kroner.
Trass i at pilene har peika rett veg, tek likevel styret grep.
– Det er ikkje nokon løyndom at vi har slite med innteninga på godssatsinga vår i mange år. Vi tek ned engasjementet og risikoen vår, og så konsentrerer vi oss om å få det til i eige fylke, seier Midthun.
- Les også:
Reduserer omsetnaden med 100 millionar
Kjøparane er ei gruppe lokale aktørar med utgangspunkt på Møre, Lars Elling Bjaastad, Nils Anders Larsen og Arne Langseth i Veøy AS.
Salet av avdelinga i Ålesund fører til at selskapet reduserer omsetnaden sin med 100 millionar kroner og om lag 80 tilsette.
– Dei går over til det nye selskapet. Eg går ut ifrå at dei får behalde jobben, for dei ønskjer å halde fram den same aktiviteten som vi har hatt på Sunnmøre, seier Midthun.
Partane er samde om å ikkje gå ut med kjøpesummen.
– Ein ting er betalinga vi fekk, noko anna er at vi får eit mindre selskap slik at vi kan konsentrere oss om eit mindre område, seier Midthun.
- Les også:
Har ikkje vore gode nok
Styreleiaren legg til at det er vanskeleg å peike på ein isolert faktor som er årsaka til at Transferd ikkje har fått til tilfredsstillande resultat.
– Vi må vere så ærlege å seie at vi ikkje har vore dyktige nok i denne marknaden. Det er fleire årsaker til at vi ikkje har lukkast, seier Midthun.
MÅ TA GREP: – Vi har ikkje vore dyktige nok i denne marknaden, seier styreleiar i Transferd, Peter Midthun.
Foto: Erlend Blaalid Oldeide / NRKDet vert jobba aktivt med å snu minus til pluss i Transferd.
– Vi har gjort store endringar i drifta vår, og det gjer vi heile tida. Vi meiner vi no er i posisjon til å få dette til, seier Midthun.
Transferd vil etter salet ha ein omsetnad på om lag 170 millionar kroner og 160 tilsette.
- Les også:
