Trailer køyrde av vegen på E39 i Jølster

Ein trailer køyrde sundag ettermiddag av vegen på E39, ved avkøyringa til Svidalen i Jølster.

Trailer Svidalen

I GRØFTA: Traileren måtte gjere ein unnamanøver, og køyrde langs grøfta eit stykke før han la seg over på sida.

Foto: NRK-tipsar
Eirik Hildal
Journalist

Utforkøyringa skal ha skjedd i samband med at traileren møtte ein bil som låg for langt inn mot midten av vegen, får NRK opplyst frå politiet sin operasjonssentral i Florø.

Lastebilen var lasta med lydanlegg som var brukt på Skei laurdag kveld, og skal etter planen vere i Bergen på ei messe måndag.

Ikkje personskade

Traileren skal vere intakt, så det er ingen lekkasje frå han, opplyser politiet.

Sjåføren kom frå uhellet utan skadar.

– Det er ikkje snakk om personskade, får NRK opplyst frå politiet sin operasjonssentral i Florø.

Sjåføren vart likevel send til sjukehus for ein helsesjekk.

Vegen er open

Politiet opplyser at vegen er open.

– Traileren ligg i grøfta, så trafikken går som normalt.

I samband med bilberging vil vegen verte stengd i ein kort periode.

Trailer utfor vegen
Foto: Tone Lin Støfring Skovro / NRK
Øya Bremangerlandet vil vere utan veg til fastlandet fram til neste veke.
For han som var sekundar frå å bli treft av steinblokkene, var det ei skremmande oppleving.
Over 3000 asylsøkjarar har forsvunne siste året.
  
Heile villreinstammen på Nordfjella, nær 2000 dyr, bør utryddast snarast råd. Det meiner forskarar etter at det i fjor blei påvist skrantesjuke. 
I dag møttes forskarar, politikararar og forvaltninga, for å diskutere den vidare kampen mot smitta.