Politiet fekk melding om ulukka på fylkesveg 614 klokka 16.49. Kvinna som var åleine i bilen har kome seg ut.
– Ho er oppegåande, og vi har prata med henne, får NRK opplyst frå operasjonssentralen.
Politiet har ikkje nærmare opplysningar om helsetilstanden. Naudetatane er på staden.
Vegen var stengd i om lag ein time etter ulukka, men er no open for trafikk.
Føraren, ei kvinne i 60-åra, kom uskadd frå uhellet. Ho er no fråteken førarkortet.
